الرئيسية
أحدث الصور
سمور صالح الثلاثاء أغسطس 31, 2010 6:03 am • ناس اللواري • عندهم طقوس معينه • وعبارات بعرفوها براهم • ومعبره جدا • حتي بناتهم • في اغنياتهن تظهر عبارات ناس اللواري السفريه • مثلا بغنن • انا بدق ليك صاجه • انا بزحزح الرمله • وووووووب • الرمله • كده 00كده 00 كده • الرمله • وطبعا الصاجات هي قطع مسطحه من الحديد يرمي بها المساعد تحت اللستك في المناطق الرمليه عشان اللوري يتخارج وما يوحل • الكلام ده في القيزان الرمليه كتيييييييير • وفي الحتات الصعبه يتلموا كم مساعد من لواري مختلفه • يدقوا صاجه لي لوري لوري لما يمرقوا القطيع كلو • منتهي التعاون • وغالبا بتكون في الاغنيه دي وقعت عروس • اول ما يهيجن • وووووووووووووب • الرمله • كده000كده000كده • الرمله • اعرف العروس حاتقع • اعمل حسابك • ومن ثقافات ناس اللواري • انو المساعد مع الفرمله يجي للسواق قدام • قرد بس • يتلب زي الماحاصل شئ • وفيهم ناس بنوموا بحق الركاب لو كان السائق ما سيد الحديده • لكن في عباره مستعمله كتير عند ناس اللواري • ومعبره جدا • الواحد يقول ليك جيت بي جاز المصافي • طبعا اللوري فيهو مصافي بتاعت جاز • عشان الشوائب ما تصل الطلمبه وتعطلو • ولما التنك يفضي بفضل الجاز في المصافي • واذا جاز المصافي كمل العربيه بتجر هواء • الا ينفسوها حتي تدور تاني • وفي عرف اهل اللواري انو جاز المصافي ما بوصل • ياناس • ناس بي جاز المصافي ماشين • وناس (تنكيين فل ) وما مدورين • معقوله ! • ناس جارين هواء • وماشين • حيرتوا المكانيكا زاتها • لكن ناس اللواري بقولوا الاوستن قلبوا حار • بعد يبطل • درديق سااااااي • بمشي ليهو اتنين كيلو • نحنا لوارينا المكندشه دي تمشي بس في الزلط • جوه المدينه • واول ماتطلع الخلا • صاجه ما تمرقها • معقوله ! • لكن تبقي الحقيقه • جاز المصافي ما بوصل • واللوري لو جره هواء ما بدور • ونقطة الوصول بعيده خلاص • اسألونا نحنا • وصلناها قبل عشرين سنه • بي جاز المصافي مستحيل توصل • ياناس • وسط المريخ غير مجدي • لا المدافع بدافع • ولا صانع اللعب بصنع لعب • التقله مشكله كبيره • مرابط الجري غالبو • النفطي • لاتعليق • ياناس • نحتاج لخط وسط كامل • صغير السن • خفيف الحركه • له طموح • داير يعمل اسم • كفانا من الاسامي الهلاميه دي • انا لا الوم الهجوم • لان المهاجمين لم تصنع لهم ولا فرصه • هل تتفقوا معي علي ان آخر الفرسان كان دامر ؟ • برود شديد • تلاجات موز بس • لا بتحسوا • لا بتشعروا • والله جمهور المريخ ده اعظم جمهور • وما بستاهل البتعملوهوا فيهو ده • قلت لاعبي المريخ • قال لي قول تجار المريخ • اصحاب العمارات والدكاكين • يفكنا منكم ربنا ده يا بركة الشهر الكريم • بدون عواطف • في لاعبين في المريخ مستواهم ما بلعبهم ممتاز خلي يلعبوا في المريخ • حانقولهم واحد واحد • وفي اداريين في المريخ • مستواهم الاداري ما بفوزهم لادارة لجنه شعبيه • وبرضو حا نقولهم واحد واحد • بعد كده • حاندق الصفايح • والتبقي تبقي • ويبقي المريخ • زي ماعرفناهو • اتذكروا • جاز المصافي ما بوصل
2 مشترك
جاز المصافي
سمور صالح- عدد المساهمات : 4
تاريخ التسجيل : 29/08/2010
Ahmed Elnagi- عدد المساهمات : 7
تاريخ التسجيل : 02/09/2010
والله حقيقة ما يحدث في المريخ لا يسر لا عدو ولا صديق برغم كل الامكانيات المتوفرة للاعبين من تدريبات و ملاعب و اجهزة فنية و لك وضح تماما ان اللاعبون يفتقدون للروح وبعضهم اصبح مزاجيا لدرجة بعيدة.. نتمني ان ينصلح الحال في المريخ حتي يعود المريخ قويا كما كان